BA RABO DA GWANI BA: TUNAWA DA AHMED S. NUHU DA HAWWA ALI DODO

Ku Tura A Social Media

Allahu Akbar! Rai bakon duniya. A duk sabuwar shekara jama'a, musamman masoyan 'yan fim, na tunawa da rasuwar manyan jaruman Kannywood guda biyu - wato Ahmed S. Nuhu da Hawwa Ali Dodo.

Dukkan su sun rasu ne a ranar 1 ga watan Janairu. To amma ba a cikin shekara daya su ka rasu ba. Ahmed ya rasu a cikin 2007 (shekara 11 kenan), ita kuma Hawwa (wadda ake yi wa lakabi da Biba Problem) ta rasu a cikin 2010 (shekara takwas).

Ban da wannan, kowannen su ya rasu a had'arin mota ne. Ahmed ya rasu tare da wasu abokan sa biyu a cikin Jihar Bauchi a kan hanyar su ta zuwa Maiduguri lokacin da motar sa da ya ke tukawa ta kwace ta yi kundunbala da su.

Ita kuma Hawwa, ta rasu ne a kan hanyar ta ta komawa Kano daga Jos, Jihar Filato, kafin su kai Saminaka a Jihar Kaduna, lokacin da mortar su ta haya kirar VW Golf ta fadi da su.

A lokacin mutuwar sa, shi Ahmed bai dade da auren fitacciyar jaruma Hafsat Shehu ba. Ita kuma Hawwa ba ta yi auren fari ba. Hasali ma dai ta ziyarci wani saurayin ta a Jos din ne wanda ya fada wa mujallar Fim cewa ta je ne domin su yanke shawara kan bikin auren su da ya karato.

Bayan mutuwar Ahmed, lokacin da babban aminin sa Ali Nuhu Mohammed ya samu haihuwar d'a namiji sai ya rada masa sunan Ahmed din. Yanzu haka yaron ya girma har ya zama jarumin fim da ya ci kyaututtukan kwarewa a rol din yara a bukukuwan gasar finafinai daban-daban.

Wadannan mace-mace su na daga cikin manyan mace-macen da su ka gigita 'yan fim da masoyan su, wanda har yau ba a fasa yi masu addu'a ba.

Allah Ya rahamshe su, amin.

Comments

Popular posts from this blog

Alamomi Guda 9 Yadda Zaka Gane Idan Budurwanka Bata Sonka Ko Baya Sonki

Ya Kone Kansa Sabida Takaicin Lalata Da Mahaifiyarsa Cikin Maye

Album : Ɗan Adam A Zango Haidar A Zango Ya kamala Shooting Album Dinsa Mai suna " Take Over"

Ina tare dake a cikin daukaka da rashinta' - Inji Adam A. Zango ya gayawa Zainab Indomie

Maryam Gidado zata yi aurene?: Kallarta tare da wanda ake sa ran zata aura

Kalli Hotunan Taurarin kwallon kafa 31 musulmai da zamu yi azumin watan Ramadana tare dasu

MUSIC : Sabuwar Wakar Rarara " Akan Tsayawar Buhari Takara 2019"

Adam A. Zango yayi kira ga General BMB da ya dena kula masu zaginshi"Basu da ko sisi"