NAJERIYA Najeriya Tayi Hasarar Dalar Amurka Miliyan 100

Ku Tura A Social Media
Kimanin dalar Amurka Biliyan 100 ne Gwamnatin Najeriya, tayi hasara daga kudaden da take samu cikin shekaru biyu sakamakon karyewar farashin Man fetur a kasuwar duniya
Babban darakta mai kula da hukumar dake fitar da kayayyakin Najeriya domin sayarwa Mr. Olusegun Awolowo, ya ce faduwar farashin mai yasa Najeriya cikin halin matsin tattalin arziki. Ya furta haka ne a lokacin da yake ganawa da manema labarai.

Yace karancin kudin da matsalar tattalin arziki da najeriya ke fuskanta ya samu ne dalili da hasarar dala Biliyan talatin zuwa arba’in, da Najeriya take yi a duk shekara a shekaru biyun da suka gabata lamarin da kuma ya haifar da matsalar tattalin arziki da ‘yan Najeriya, basu tsanmaci hakan ba.

A cewar Mr. Awolowo, idan har Najeriya, na bukatar fita daga wannan matsalar da take ciki to dole ne a bujuro da wasu hanyoyi na fitar da kayayyaki domin samun kudaden waje da kuma karfafa darajan Naira, sai kuma samun kudaden waje daga gwamnatin tarayya da kuma na jihohi wand aba na Man fetur ba.

Mr. Awolowo, yace yanzu haka hukumar dake kula da kayayyaki ta Najeriya, ta dukufa wajan ganin an samu kudaden shiga kimanin Triliyon daya da rabi zuwa Triliyon biyar a duk shekara lamarin da yace zai taimaka wajan farfado da tattalin arzikin Najeriya.

Masana tattalin arziki da wasu ‘yan Najeriya, kamar ita kanta Gwamnatin tarayyar Najeriya sunyi ittifakin cewa kumawa harkar gona shi ne mafita ga Gwamnatin Najeriya, inda hukumar dake kula da fitar da kayayyakin na Najeriya ta bayana cewa yanzu haka ta maida hankali wajen fitar da Koko da Yazawa da kuma Ridi abinda ke samun kasuwa matuka a kasashen yammacin Turai.

Comments

Popular posts from this blog

Alamomi Guda 9 Yadda Zaka Gane Idan Budurwanka Bata Sonka Ko Baya Sonki

Ya Kone Kansa Sabida Takaicin Lalata Da Mahaifiyarsa Cikin Maye

Album : Ɗan Adam A Zango Haidar A Zango Ya kamala Shooting Album Dinsa Mai suna " Take Over"

Ina tare dake a cikin daukaka da rashinta' - Inji Adam A. Zango ya gayawa Zainab Indomie

Umar M Shariff & Abdul D One - Yar Budurwa Album ft Mohd Mai Lerey

Kalli Hotunan Taurarin kwallon kafa 31 musulmai da zamu yi azumin watan Ramadana tare dasu

Maryam Gidado zata yi aurene?: Kallarta tare da wanda ake sa ran zata aura

MUSIC : Sabuwar Wakar Rarara " Akan Tsayawar Buhari Takara 2019"